OKwesikhathi eside siyakwazi ukuthi ukunamathela ekwelatshweni kwehlisa ingozi yokudlulisela i-HIV, kodwa okwakhathesi  nje sikwazile ukutshengisa  ukuthi ubungozi bokudlulisela i-HIV kuku-zero nxa umuntu elenani legcikwane egazini elingabonakaliyo .

Kube  lezifundo ezimbili eziyinhloko yokukhombisa lokhu. Esokuqala senziwa ngo-2016, futhi sahlanganisa abathandanayo  abangu 516. Kubo bonke abathandanayo umlingani olegcikwane wayelenani legcikwane egazini elingabonakali. Kulo lonke ucwaningo, ayikho i-HIV eyadluliselwa komunye  lanxa  kube lezimo ezingu-36,000 zocansi 'olungavikelekile.' Lokhu okutholakele kwaphinde kwaphindwa ngomnyaka ka-2018, kucwayisiso olwaluhlanganisa abathandanayo abesilisa besimo esixubile abangu-972. Kubo bonke umlingani olegcikwane wayelenani legcikwane egazini elingabonakaliyo. Laba abathandanayo babe lezenzo zocansi olungavikelekile lweAnus ezingaba ngu-77,000 futhi,  ayizange idluliselwe i-HIV.
Kuhlanganiswe, lezi zifundo ezimbili zihlanganisela izenzo zocansi ngaphandle kwekhondomu eziyi-113,000, lapho i-HIV ingadluliswanga. Lobu ubufakazi banele  ukuthi nxa umuntu elegciwane elingabonakali akakwazi ukudlulisela i-HIV ngocansi lwesitho sowesifazane noma sangemuva.

Kubantu abanengi inzuzo enkulu yokwazi ukuthi igcikwane alibonakali kuzoba umuzwa wokuqinisekisa. Akusadingeki bakhathazeke ngokudlulisela i-HIV futhi bayakwazi ukuthi impilo yabo kanye lamasotsha abo omzimba avikelekile.

Umlayezo wokuthi wkuongatholakali = ukungadluliseleki futhi uhlose ukubhekana lokunye ukubandlululwa nge-HIV. Nxa abantu sebezwisisa ukuthi ukwelatshwa kungalicindezela ngempumelelo igcikwane, ngethemba ukuthi lokhu kutsho ukuthi abayesabi kangako i-HIV - kubakhuthaze ukuthi bahlolwe futhi bathole ukunakekelwa.

Noma kunjalo, ukuze usebenzise lezi nzuzo ngokugcwele, abantu kufanele babe lokufinyelela okuhle ekunakekelweni. Ukuze igcikwane  libangabonakali, abantu kufanele baqale bahlolwe bese beqala ukwelatshwa ngezidambisigcikwane (ART). Nxa lezi nhlelo zingatholakali, inani legcikwane egazini labantu lizohlala liphezulu. Kubalulekile futhi ukuthi abantu bahlale behlolwa inani   legcikwane egazini nxa benatha imithi, ukuze baqinisekise ukuthi isebenza kahle yini lokuthi inani legcikwane egazini alibonakali yini. Kungasenani ezindaweni ezinengi ukufinyelela ekuqaphelweni kwenani   legcikwane egazini kuphansi kakhulu. Ngaphandle kwalokhu, abantu abakwazi ukuthola isiqinisekiso sokuba kwazi ukuthi ngeke bakwazi ukudlulisa i-HIV. Ngalokho, kubalulekile ukuzwisisa inzuzo zokwelatshwa noma kunjalo, njengoba ukwazi amaqiniso 'ngokungabonakali' kungakhuthaza abantu ukuthi babambelele ku-ART. Bangazizwa bethakazelela ukubakwazi ukuthi ukwelatshwa kungavikela kanjani impilo yabo kanye lempilo yabalingani babo bezocansi.

Ukutheleleka kakutsha yilapho umuntu osevele ele-HIV etheleleka ngolunye uhlobo lwe-HIV lwesibili olutshiyeneyo. Lokhu kungenzeka nxa besiya ecansini olungavikelekile  lomuntu olohlobo olutshiyeneyo lwe-HIV noma othile oseke wakwazi ukungazweli kumithi ethile yezidambisigciwane. Ukutheleleka kakutsha nge-HIV kungenza ukuthola ukwelatshwa okukusebenzelayo kube nzima kakhulu.

Noma kunjalo, ukuphinda utheleleke akuyona ingozi nxa bobabili abalingani belenani legcikwane egazini elingabonakaliyo. Lokhu kungenxa yokuthi nxa inani le-HIV emzimbeni wakho liphansi ngale indlela, awukwazi ukudlulisela igcikwane. Okutsho ukuthi noma yikuphi ukungazweli lakho ngeke kudluliselwe.

Ukuze igcikwane lingabonakali udinga ukunamathela ekwelatshweni kwakho ngezidambisigcikwane. Kufanele futhi uye lapho  okukhangelwa khona inani  legcikwane egazini njalo ukuze wazi ukuthi inani legcikwane egazini lihlala ezingeni elingabonakaliyo.