Ijekiseni yePrEP ngumhlobo womuthi ovikela abantu ekutholeni igcikwane le HIV. Umhlobo wejekiseni otholakalayo kathesi ngohlala isikhathi eside emzimbeni okuthiwa yiCAB-LA. Nxa umuntu engasebenzisa amajekiseni ePrEP ngendlela eqondileyo, amathuba okuthola igcikwane nxa bengaya emacansini besebenzisa izitho zensitha abamalutshwane. 
 

Umuntu oqeqeshe kwezempilakahle kumele ahlabe lawo majekiseni ahlatshwa ngemuva emuntwini. Okokuqala, umuntu kumele ahlolwe ukuthi akala gcikwane le HIV na. Umuntu kumele ahlatshwe amajekiseni amabili ahlukene ngenyanga. 
 

Ngemva kwalokhu, umutu kumele aphenduke ekliniki ngemva kwenyanga ukuzohlolwa igcikwane le HIV kanye lokuhlatshwa eyinye ijekiseni. 
 

Abanye abantu babona kulula ukuhlatshwa ijekiseni ngoba kufihlekile ukwedlula amaphilisi anathwa nsukuzonke. 
 

Amajekiseni ePrEP awakatholakali ngobunengi. Ukuze uthole ukuthi lapho okhona amajekiseni ePrEP ayatholakala na, vakatshela ku www.prepwatch.org.

Isigombolozi esifakwa esithweni sensitha sowesifazane sincane njalo siyagoqeka. Siyabe sifaka umuthi wokuvikela igcikwane esithweni sobulili sowesifazane. Ibizo lakhona kuthiwa yi-dapivirine ring. Lesi sigombolozi sivikela umuntu ekutholeni igcikwane nxa esiya emacansini esebenzisa isitho sobulili. Asivikeli umuntu nxa esiya emacansini esebenzisa umdidi. 
 

Umuntu osebenzisa lesisigombolozi esifakwa esithweni sobulili sowesifazane uyazifakela esithweni sakhe. Kumele sifakwe okwamahola angamatshumi amabili lane umuntu engakayi emacansini kusenzelwa ukuthi avikeleke ngokupheleleyo. Siyagcinwa esithweni okwamalanga angamatshumi amabili lasitshiyagalombili njalo kumele sitshintshwe kufakwe esinye ngemva kwalawo malanga. 
 

Isigombolozi lesi asandanga ukusebenza kakhulu ukwedlula amaphilisi lejekiseni. Abanye abantu bakhetha isigombolozi esifakwa esithweni sobulili sowesifazane ngoba uyenelisa ukugcina ezinengi zokutshintsha endlini okutsho ukuthi ukuya kwabo emtholampilo kubakulutshwane. 

Indlela eyodwa yokwazi ukuthi ngubani ongasizakala ngokusebenzisa iPrEP yikudingisisa okulandelayo. 

Enyangeni eziyisithupha ezedluleyo: 

• uyemacansini labantu abanengi? 

• uyemacansini kungagqokwanga ijazi lomkhwenyana? 

• uyemacansini lomuntu olengculaza loba lomuntu ongelalwazi lesimo sakhe sempilakahle? 

• uke wahlukunyenzwa ngokocansi? 

• uke wasebenzisa iPEP ( umuthi wokuvikela igcikwane onikwa umuntu nxa usengozini)?

 • uke waba lesifo esithelelwana emacansini? 

• uke wahlatshwa ijekiseni yamahomoni loba izidakamizwa? 

Nxa ufuna ukuthola lolulwazi kumele ungahluleli kodwa usebenzise indlela yokweseka ngoba umuntu okhuluma laye sengakunika impendulo ezingelaqiniso.

Qala ngokuchasisa ukuthi iPrEP ngumuthi osetshenziswa ngabantu abangela gcikwane ukuze nxa besiya emacansini bengatholi igcikwane.

Chasisa ukuthi iPrEP ibuya ngendlela ezintathu ezehlukeneyo njengamaphilisi, amajekiseni lesigombolozi esifakwa esithweni sobulili sowesifazane. Batshele imihlobo yePrEP etholakala lapho elihlala khona lokuthi isetshenziswa njani. Ulwazi lokuthi uhlobo lunye ngalunye lutholakala ngaphi njalo lusebenza njani lulapha.

Kuqakathekile ukwazisa abantu ukuthi akulasidingo sokusebenzisa iPrEP kokuphela kodwa bangayisebenzisa nxa besengozini yokuthola igcikwane le HIV. (Isibonelo, nxa bande ukuya emacansini bengagqokanga ijazi lomkhwenyana loba nxa bengakwazi isimo sempilakahle somuntu abalala laye).

Chasisa ukuthi laloba iPrEP ivikela igcikwane ayivikeli ezinye izifo ezithelwana emacansini ingakho ukugqoka ijazi kuqakathekile. 

Chasisa ngokujulileyo ukuthi kuyini iPrEP isebenza njani lemihlobo yakhona ehlukeneyo. 
 

Goqela iPrEP embonweni wokuzithanda lokuzinakekela. Yazisa intsha ukuthi ukusebenzisa iPrEP yindlela yokunakekela impilakahle yabo. Nxa bengathatha isinqumo sokuyisebenzisa kumele bazigqaje bengabi lenhloni. 
 

Ungancindezeli abantu ukuthi basebenzise iPrEP. Bakhokhele ngendlela engelakwahlulela ukuze bathathe isinqumo sokuthi iPrEP ingabe ibalungele loba ayibalungelanga. Hlela iseluleko sakho ukuze sifanele isidingo somunye ngamunye kanye lesimo ubusulalela inkathazo zabo. 
 

Vakatshela lesisihloko kokuphela nxa kulesidingo loba ukuxoxa ngePrEP kwezinye ingxoxo labo. Lokhu kunganceda abatsha ukuthi babone ukuxhumana kwempilo yabo lokuba sengozini yokuthola igcikwane besebezabona ukuthi iPrEP ingabanceda yini.

IPrEP ingabe ingalungelanga wonke umuntu. Nxa umuntu engekho engozini yokuthola igcikwane ikakhulu nxa ezivikela emacansini akulasidingo sePrEP. 
 

Nxa umuntu engenelisi ukunatha amaphilisi loba ukusebenzisa iPrEP ngendlela efaneleyo loba nxa bekhathazeka ngempumela emibi yePrEP kungabangcono ukusebenzosa ezinye indlela zokuzivikela ekutholeni igcikwane. 
 

Qinisekisa ngasosonke isikhathi ukuthi umuntu omutsha uyazwisisa ukuthi yikuphi angakhetha kukho lokuzizwa ezethemba ukuthatha izinqumo mayelana lempilakahle yakhe.

Abanye abantu bayahlulela ngendlela embi njalo bacabangela kakubi abantu abasebenzisa iPrEP. Leyi micabango ingaba ngeyokuthi abantu abasebenzisa iPrEP baziphatha kabi loba baya emacansini okungela kuzivikela. 
 

Indlela yokuxazulula indaba yokwahlulela abantu abasebenzisa iPrEP yikujayeza abantu ukukhuluma ngePrEP ngendlela yokuzinakekela lesinqumo sokunakekela impilakahle yomuntu. Kunganceda ukuchasisa ukuthi iPrEP imayelana lokuzivikela njalo ayisonkomba yokuziphatha.

Beseke ngokubakhuthaza okungalakwahlulela. Nxa umuntu ezizwa engani 'usenkingeni' loba esenza izinto ngendlela engalunganga, kukalutshwane ukuthi babuye kuwe bedinga inkuthazo. 
 

Qinisekisa ukuthi bayazwisisa ukuthi iPrEP isebenza nxa beyisebenzisa ngendlela eqondileyo. Lokhu kugoqela ukunatha amaphilisi nsukuzonke, ukuyahlatshwa ijekiseni nyanga zonke lokutshintsha isigombolozi esifakwa esithweni sobulili sowesifazane ngemva kwamalanga angamatshumi amabili lasitshiyagalombili. Kugoqela lokuhlolwa igcikwane kokuphela. Nxa umuntu engasebenzisi iPrEP ngendlela eqondileyo ebesesiba legcikwane, ukuqhubeka esebenzisa iPrEP akuncedi ngoba kuzayenza ukuthi amaphilisi egcikwane engasebenzi. 
 

Nxa umuntu ethwele nzima ngokunatha amaphilisi mkhuthaze ukuthi azame ukufaka i alamu, ukusebenzisa umakhalekhukhwini loba ukuhlela amaphilisi ukuze engalibali ukuwanatha. Indlela zokukhumbuza zingafakwa nxa umuntu kumele ayehlatshwa ijekiseni loba kumele atshintshe isigombolozi esifakwa esithweni sobulili sowesifazane. 
 

Impumela emibi ingaba yinkinga ingakho kumele uyikhulume umuntu engakaqalisi ukusebenzsa iPrEP. Kumele ubeseke nxa sebehlangene laleyompumela emibi. Bahlole kokuphela ukuze uxoxisane labo mayelana lobunzima abangahlangana labo ubusubakhuthaza. Bakhuthaze ukuthi baxhumane labanye abatsha abasebenzisa iPrEP ukuze baxoxe labahlangana lakho ngoba lokhu kungenza kubelula ukuthi baqhubeke besebenzisa iPrEP.

IPrEP iphephile kwabesifazane abakuHRT. Ucwaningo luyatshengisa ukuthi iPrEP ayiphambanisi amahomoni aqinisekisa ubulili. Lokhu kutsho ukuthi ungaqinisekisa abesifazane abazitshintsha ubulili ukuthi iPrEP iyahambisana leHRT. 
 

Kuyakhuthazwa ukuthi abesifazane abazitshintsha ubulili baqale bakhulume labaqeqeshe kwezempilakahle bengakaqalisi ukusebenzisa iPrEP. Nxa ufuna ukudingisa ngePrEP leminye imithi vakatshela ku www.hiv- druginteractions.org.

Kuphephile ukuthi abantu abazihlaba izidakamizwa basebenzise ijekiseni yePrEP. Lokhu kuzabavikela ekutholeni igcikwane elithelelwana emacansini. Akukabi lolwazi ukuthi ingabe ivikela igcikwane ngokuhlaba izidakamizwa. 
 

Nxa weseka umuntu ozihlaba izidakamizwa kuba ngumbono omuhle ukukhuluma laye mayelana lePrEP kanye lezinye indlela zokuvikela igcikwane ezifanana lokugqoka ijazi lomkhwenyana. Kuqakathekile njalo ukubaxhumanisa lezinye izinsiza ezeseka abantu abazihlaba izidakamizwa ukuze bayehlise ubungozi bokufaka impilo zabo engozini ngokusebenzisa izidakamizwa.

Imihlobo yonke yePrEP ilungile nxa ifuna ukusetshenziswa ngumuntu ozama ukuzithwala, ozithweleyo lomunyisayo. IPrEP ayisoze iphambanise amathuba omuntu okuzithwala. 
 

IPrEP iyavikela umuntu ozithweleyo ekutholeni igcikwane ngesikhathi ezithwele. Iyavikela njalo usana olusesiswini, izavikela usana nxa lubelethwa lanxa lumunyiswa. 
 

Nxa ukhuthaza abantu abazithweleyo loba abazama ukuzithwala mayelana ngePrEP, kuqakathekile ukubazisa ukuthi umuntu usengozini yokuthola igcikwane nxa ezithwele lanxa esanda kubeletha. Ukuthola igcikwane ngesikhathi umuntu ezithwele loba emunyisa kuyafaka umntwana loba usana engozini yokuthelelwa igcikwane le HIV.

Ukuthatha i-PrEP ngesikhathi ungazi ukuthi ule-HIV kuyingozi empilweni yakho. I-PrEP inika iDose eliphansi lokwelatshwa kwesidambisagciwane ( ART ). Ngokunamathela okuhle, leli nani le-ART lanele ukukuvikela ekutholeni i-HIV, kodwa nxa usuvele ule-HIV kungakwenza ukuthi ube lamandla amakhulu okuthuthukisa ukumelana lezokwelatshwa kwe-HIV. Yilapho i-ART yakho iyekela ukusebenza. Amanani amancane e-ART anele ukumisa leli gciwane ekuphindaphindeni, esikhundleni salokho, igcikwane le-HIV liyakwazi ukuzishintsha ukuze likwazi ukudlula imipumela ye-ART futhi lizenzele amakhophi amatsha.

Ukuhlala uhlolwa sikhathi sinye uthatha iPrEP kutsho ukuthi uzakwazi nxa uleHIV masinyane njalo ungavikela ukuthi ukwelatshwa kungasebenzi. Ukuthatha iPrEP ngendlela efaneleyo kuyavikela iHIV.

Yebo! I - PrEP ayikuvimbeli ukuba ukhulelwe futhi iphephile ukuba abesifazane abakhulelweyo bayisebenzise, bezithwale lalapho bemunyisa . I - PrEP  ngeyinye yezindlela  abathandanayo bengazama ngazo umntwana ngokuphepha.

Nxa ufuna ukuba lomntwana, kodwa ucabanga ukuthi usengozini enkulu yokuthola igcikwane leHIV, khona - ke i - PrEP ingaba  yindlela enhle ngempela kuwe . Nxa omama bethola igcikwane leHIV ngesikhathi sokukhulelwa lokumunyisa , lokhu kubeka abantwababo engozini. Lokhu kungenxa yokuthi inani legcikwane liphakeme ngokukhethekile kumaviki ambalwa okuqala wokuthola ngemva kokuthola igcikwane leHIV. Ukuthatha i - PrEP kuvikela wena lomntwanakho, ngakho ungahlala ungela gcikwane leHIV ngesikhathi  lapho ukhulelwa, uzithwele  lalapho umunyisa .    

Abantu bahlangana  lokutshiyeneyo lapho bethatha i - PrEP. Abantu abanengi abalayo impumela embi, kuyilapho abanye behlangana   lezinto ezifana lokuzwa befuna ukuhlanza, ukuhlanza, ukukhathala lesiyezi, kodwa ngokuvamile ziyanyamalala ngemuva kweviki elilodwa noma ezimbili.

Imipumela ethatha isikhathi eside yokuthatha i-PrEP ayivamile. Phose amaphesenti angu2 abantu abasebenzisa angancipha kancane ekusebenziseni izinso, kodwa ngokuvamile lokhu kubuyela kusimo esansuku zonke lapho usuqedile ukuthatha i - PrEP. Yingakho kukhuthazwa ukuba abantu abasebenzisa iPrEP bahlolwe njalo ukuze izisebenzi zempilakahle zikwazi ukuhlola impilo yabo.

Nxa umuntu ecabanga ukuthi ubhekane lempumela ezingakhangelelwanga kuyi - PrEP, kufanele bakhulume labezempilakahle.