Abanye omama baba lento okuthiwa yizingono eziqhekekile nxa bemunyisa. Izimpawu zihlanganisa ubuhlungu lapho bemunyisa, ukuphuma igazi  ezingonweni zakho kanye leminkenke ejwabini. Lezi zinkinga ngokuvamile zibangelwa  yikungabanjwa kahle kwengane yakho ngendlela efaneleyo.

Nxa ule-HIV futhi umunyisa  kuqakathekile ukuthi ukhulume labezempilakahle masinyane mayelana lanoma yiluphi udubo zezingono zakho, ikakhulukazi nxa ziphuma igazi. Lokhu kungenxa yokuthi izingono ezilimeleyo zingayandisa amathuba okudlulisela i-HIV enganeni yakho. Bayakweluleka ngendlela yokondla ngokuphephile futhi bakusize ngokuphatha ingane yakho ukuze unqande indubo ngesikhathi esizayo. Khumbula ukumunyisa akumelanga kube buhlungu.

Kufanele futhi uqaphele i-mastitis, isimo lapho amabele akho evuvuka. Ungabona amabele ebomvu, etshisa futhi ebuhlungu. Lokhu futhi yinto okufanele ukhulume ngayo  labachwepheshe bezokunakekelwa kwempilo njengoba kungandisa ingozi ye-HIV.

Ezinyangeni eziyisithupha zokuqala uyelulekwa ukuthi umunyise ibele kuphela. Lokhu kungenxa yokuthi isisu somntwana sizwela kakhulu kulezi zinyanga ezimbalwa zokuqala. Ukumunyisa ingane uchago lwebele eceleni kokunye ukudla kungalimaza isisu sengane yakho. Nxa isisu sengane yakho singalimala isengozini enkulu ye-HIV. Nxa wena noma ingane yakho ilesihudo noma ihlanza kufanele ukhulume lesisebenzi sezempilakahle, ngoba lokhu kungaba luphawu lwesisu esithukuthele.

loba  ingane yakho kungafanele ibe lokunye ukudla, kulungile ukumnika noma yiyiphi imithi abayinikeziwe.

Ukumunyisa kunikeza izingane zakho isiqalo esihle empilweni. Nxa nje ubambelela ekwelatshweni kwakho ngezidambisagcikwane, ukumunyisa ibele kuyindlela ephephile lengcono kakhulu enganeni yakho.

Inzuzo zokumunyisa ivele zingahlala isikhathi eside empilweni yengane, kube lomthelela omuhle kumama lengane. Ezinye zenzuzo ezibaluleke kakhulu yilezi:

1. Ukumunyisa ivele kunika omama lezingane zabo ithuba lokuba ndawonye. Ngesikhathi sokumunyisa umama lensane bayaxhumana futhi ukuthintana kwejwabu lejwabu kungenza bazizwe besondelene.

2. Ukumunyisa kuvumela omama ukuthi babelane ama-antibody abo lezingane zabo. Lokhu kubalulekile ekulweni lezifo futhi kungavikela ingane yakho ekuguleni.

3. Uchago lukamama lugcwele imisoco lamanzi adingwa yizingane ukuze zikhule. Ukumunyisa ivele kuvikela izingane ezincane ezingozini zokungondleki kahle futhi kuzinika amandla lamavithamini eziwadingayo.

4. Ukumunyisa  kuvikela izingane ezingozini zamanzi angcolileyo, angabangela isifo sesihudo lezinye izinkinga zempilo, kungaba yingozi.

5. Ukumunyisa ivele kuhle empilweni kamama. Yehlisa ingozi yabesifazane yokuba lezifo ezithile phambili empilweni, okuhlanganisa imvukuzane  yesibeletho leyebele.